Instagram-ի թիմը նոր կանոններ է ներկայացրել՝ դեռահասների եւ չափահասների միջեւ շփումը սահմանափակելու համար:
Այսպիսով, դեռահասներին հնարավոր վտանգներից զերծ պահելու համար Instagram-ը կարգելի չափահաս օգտատերերին անձնական հաղորդագրություններ գրել այն դեռահասներին, որոնք իրենց չեն հետեւում:
Չափահասը կստանա հաղորդագրություն հետեւյալ բովանդակությամբ՝ «Դուք չեք կարող հաղորդագրություններ ուղարկել այս հաշվին, քանի դեռ այն ձեզ չի հետեւել»:
Դեռահասները նույնպես կսկսեն ծանուցումներ ստանալ, եթե նրանց գրող օգտատերը «ցուցադրի կասկածելի վարք»: Զգուշացումը կառաջարկի «Բողոքել» կամ «Արգելափակել» տարբերակները, ինչպես նաեւ լրացուցիչ նախազգուշացում՝ զգույշ լինել անծանոթ մարդկանց լուսանկարներ, տեսանյութեր կամ տեղեկություններ ուղարկելիս:
Instagram-ում նշել են, որ արդեն այս ամսվա ընթացքում գործառույթը հասանելի կդառնա որոշ երկրներում:
