Techstars London-ի տնօրեն. Խրախուսում եմ ՀՀ ստարտափներին դիմել մեր ծրագրերին

Մաքս Քելլին Techstars London աքսելերատորի կառավարող տնօրենն է: Techstars-ն աշխարհում առաջատար աքսելերատորներից է, որն օգնում է գլոբալ շուկաներ դուրս գալ վաղ շրջանի ստարտափներին:

Մինչ Techstars-ին միանալը նա 12 տարի աշխատել է Virgin Insight ընկերությունում՝ որպես ընկերության ռազմավարության եւ ստարտափների ստեղծման պատասխանատու:

Itel.am-ի բացառիկ հարցազրույցը Մաքս Քելլիի հետ:

- Ո՞րն է Techstars-ի առաքելությունը՝ տեխնոլոգիական էկոհամակարգեր ստեղծելու հարցում:

- Շուրջ 20 000 ընկերություն է ամեն տարի դիմում՝ մասնակցելու Techstars-ի ծրագրին: Այս ընթացքում շուրջ 4000 միջոցառում ենք իրականացրել աշխարհի 150 երկրում:

Հազարավոր մարդիկ են ծրագրի միջոցով անցնել փորձարարական ուսուցման գործընթացով: Մենք շահույթ չենք ստանում այդ միջոցառումներից, աջակցում ենք աշխարհում էկոհամակարգերի ստեղծմանը եւ զարգացմանը: Մեր նպատակն է դառնալ գլոբալ ցանց, որը կօգնի ընկերություններին հաջողության հասնել: Հավատում ենք, որ ձեռներեցներն ավելի լավ ապագա ստեղծողներն են: Այնպես որ, ցանկանում ենք դառնալ համաշխարհային ցանց, որը կօգնի ստարտափներին հաջողության հասնել:

photo © Techstars London

Ամեն տարի մենք ընտրում ենք շուրջ 300 ընկերություն, որոնք միանում են մեր 3-ամսյա աքսելերացիոն ծրագրին, որի շրջանակում ստանում են $120 հազ. ներդրում եւ մուտք դեպի մեր գլոբալ ցանց:

-Որքանո՞վ է Techstars-ը հետաքրքրված Արեւելյան Եվրոպայից ստարտափներով:

- Ես Արեւելյան Եվրոպայից շատ ստարտափների հետ եմ աշխատել: Որակը, հիմնադիրները, հատկապես տեխնիկական թիմերը բացառիկ են: Բայց անդունդ կա՝ կապված կոմերցիոն մասի հետ: Մենք կարող ենք օգնել այդ հարցում, եւ դա է պատճառը, որ ես հետաքրքրված եմ այս տարածաշրջանով:

10:07 | 15.02.17 |

Techstars-ի մենթորի խորհուրդները հայկական ստարտափներին

Նաեւ նախապես որոշեք, թե աշխարհագրական առումով Techstars-ի որ ծրագրին է ավելի նպատակահարմար, որ դիմեք: Պետք է նշել, որ դրանցից շատերը չափազանց մրցունակ են, այդ թվում՝ Նյու Յորքը եւ Լոնդոնը: Գուցե մտածեք եւ հարմար գտնեք այնպիսի տարածաշրջանում դիմել, որտեղ ավելի քի՞չ է մրցակցությունը:

- Ինչպե՞ս երկիրը դարձնել տեխնոլոգիական տարածաշրջանային կենտրոն:

- Երբ երկիրն ունի որոշ խոշոր հաջողակ ընկերություններ, մի քանի բան է տեղի ունենում: Դրանցից մեկը ձեռներեցության եւ հաջողության աճն է: Երկրորդն այն է, որ առաջանում են մարդկանց խմբեր, որոնք տեսել են այդ ընկերությունը նրա ստեղծման սկզբից, մասնակցել են այդ գործընթացին եւ ինքնավստահ են: Այնպես որ երկրի համար իսկապես շահավետ է ունենալ մի քանի խոշոր հաջողակ ընկերություններ:

Ես համոզված եմ, որ Հայաստանում առկա են որակյալ ընկերություններ: Անկասկած կխրախուսեմ, որ հայաստանյան ստարտափները դիմեն Techstars-ի աքսելերացիոն ծրագրին, եւ եթե անգամ ոչ Techstars-ին, ապա այլ աքսելերացիոն ծրագրերի: Ուղղակի խորհուրդ կտայի գտնել իսկապես լավ աքսելերացիոն ծրագիր եւ ժամանակ չկորցնել այնպիսի ծրագրերի վրա, որոնք ձեզ չեն տա այն արժեքը, որի կարիքն ունեք:

Մենք կցանկանանք տեսնել մեր ծրագրին մասնակցող հայկական ընկերությունների, բայց նրանք պետք է հրաշալի թիմեր ունենան եւ մեծ շուկաներին ուղղված պրոդուկտներ մշակեն:

Մաքս Քելլիի հետ զրուցել է Նարինե Դանեղյանը