12:11 | 17.11.17 | Նորություններ | 5407
Մարվել է ՏՏ ոլորտում ՀՀ նախագահի մրցանակին նվիրված հատուկ ծրարը
ՀՀ նախագահի նստավայրում նոյեմբերի 16-ին տեղի է ունեցել «ՀայՓոստ»-ի թողարկած՝ Տեղեկատվական տեխնոլոգիաների ոլորտում համաշխարհային ներդրման համար ՀՀ նախագահի մրցանակին նվիրված հատուկ ծրարի մարումը:
Ծրարի վրա պատկերված է 2017թ. ՏՏ ոլորտում նախագահի մրցանակին արժանացած 8-րդ դափնեկիրը՝ «Նեսթ Լաբս» ընկերության հիմնադիր, iPod ապրանքանիշի ստեղծող, լիբանանյան ծագումով ամերիկացի գյուտարար Թոնի Ֆադելը: Հատուկ ծրարի վրա պատկերված են նաեւ նախորդ տարիների յոթ մրցանակակիրները:
Հատուկ ծրարը յուրահատուկ ֆիլատելիստական արտադրանք է, որին փակցված է 2013թ. թողարկված «Տեղեկատվական տեխնոլոգիաների ոլորտում համաշխարհային ներդրման համար Հայաստանի Հանրապետության նախագահի մրցանակ» թեմային նվիրված 2 նամականիշ եւ որը մարվելու է հատուկ դրոշմակնիքով:
Հատուկ ծրարը պատրաստվել է 500 հատ տպաքանակով:
Ծրարի մարման արարողությանը մասնակցել են ՀՀ նախագահ Սերժ Սարգսյանը, ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը, Թոնի Ֆադելը:
18:08 | 16.11.17 |
Նորություններ
iPod-ի ստեղծող Թոնի Ֆադելը հյուրընկալվել է ՎիվաՍել-ՄՏՍ-ում
16:50 | 16.11.17 |
Նորություններ
Դեկտեմբերի 10-ին կանկացվի «Ծրագրավորման ժամ» միջոցառումը
