Հայտնի են օգտատերերին «ամենավատ պաշտպանող» ՏՏ ընկերությունները

Electronic Frontier Foundation (EFF) իրավապաշտպան կազմակերպությունը հրապարակել է իր ամենամյա Who Has Your Back? զեկույցը, որտեղ գնահատել է խոշոր ՏՏ ընկերությունների պատրաստվածությունը՝ օգտատերերի տվյալները պաշտպանելու հարցում:

Զեկույցում ներկայացված 26 ընկերությունից առավելագույն 5 աստղ է ստացել միայն 9 ընկերություն՝ Adobe, Credo, Dropbox, Lyft, Pinterest, Sonic, Uber, Wickr եւ WordPress:

Օգտատերերի ամենավատ պաշտպանությունն իրականացնում են WhatsApp-ը, Twitter-ը, Amazon-ը եւ Airbnb-ն:

Զեկույցի համաձայն՝ ամերիկյան հեռահաղորդակցության օպերատորներ Verizon-ը, AT&T-ն, T-Mobile-ը եւ Comcast-ը գրեթե չեն պաշտպանում իշխանություններից օգտատերերի տվյալները:

5 աստղից 4 են ստացել Apple-ը, Google-ը, Facebook-ը եւ Microsoft-ը:

Թվային իրավունքների պաշտպանությունը գնահատվում է մի քանի բաղադրիչով՝ այդ թվում՝ ընկերությունն արդյոք հետեւո՞ւմ է իր ոլորտում ընդունված լավագույն պրակտիկային, տեղեկացնո՞ւմ է իշխանությունների կողմից ստացվող տեղեկատվական հարցումների փաստերի մասին, խոստանո՞ւմ է երրորդ կողմին չտրամադրել անձնական տվյալներ, ընդդիմանո՞ւմ է NSL հարցումներին, որոնք ԱՄՆ հատուկ ծառայություններին թույլ են տալիս առանց դատական գործընթացի հասանելիություն ստանալ անհրաժեշտ տեղեկատվությանը:

Նշենք, որ ձեր տվյալների գաղտնիությունը համացանցում ստուգել հնարավոր է «ՍԱՅԲԵՐ ԳԵՅԹՍ» ընկերության տվյալների բազայում, որը պարունակում է 2,05 մլրդ գաղտնաբառ: