ՎիվաՍել-ՄՏՍ-ի եւ Հայաստանի «Ֆուլեր Տնաշինական Կենտրոնի» աշխատակիցներն ու ղեկավարները Սյունիքի մարզի Գորիս համայնքում մասնակցել են Հասրաթյանների կիսակառույց տան շինարարությանը:
Կազմակերպությունների հնգամյա համագործակցության արդյունքում Հայաստանի բոլոր մարզերում աջակցություն է ստացել 134 ընտանիք: Սյունիքի մարզում ծրագրից օգտվել է 4 ընտանիք:
«Բոլորն էլ իրենց կյանքում ունենում են խնդիրներ, որոնք հաղթահարելու համար անհրաժեշտ են լինում կամք եւ ժամանակ: Երբ մարդիկ զգում են, որ մենակ չեն՝ ավելի վստահ են հաղթահարում դժվարությունները: Այս ծրագիրն ունի երկու նպատակ: Առաջինը՝ երեւացողը, մարդկանց կյանքում դրական փոփոխություն ապահովելն է: Առավել կարեւոր է երկրորդը՝ անտարբերությունը մերժելու ցանկությունը: Կյանքը պահանջում է բաց աչքերով նայել իրականությանը եւ համարժեք արձագանքել իրավիճակին: Եթե ցանկանում ենք լուծված տեսնել խնդիրները, պիտի սովորենք սրտացավ լինել եւ համախմբվել»,- ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
ՎիվաՍել-ՄՏՍ-ը բնակարանաշինության ծրագրի համար 2016թ. հատկացրել է մոտ 105 մլն դրամ (2015թ.` 100 մլն դրամ):
18:04 | 30.08.16 |
Նորություններ
Beeline-ը երիտասարդ ձեռներեցներին կսովորեցնի գաղափարները վերածել ծրագրերի
16:22 | 30.08.16 |
Նորություններ
ԱՄՆ-ը մտադիր է հեշտացնել օտարերկրյա ստարտափների գործունեությունը
