«Յուքոմ» ընկերության գլխավոր տնօրեն Հայկ Եսայանն այսօր Հայաստանի պետական ճարտարագիտական համալսարանում հանդիպել է համալասարանի պրոֆեսորադասախոսական անձնակազմի եւ ուսանողների հետ:
«Հեռահաղորդակցական տեխնոլոիգիական արդի վիճակը եւ զարգացման միտումը Հայաստանում» թեմայով հանդիպման ընթացքում «Յուքոմ» ընկերության գլխավոր տնօրենը ներկայացրել է շուկայի թրենդները, խոսել այն մասին, թե ինչ է հարկավոր սպասել ոլորտում մի քանի տարի անց:
«Ամբողջ աշխարհը 2020թ. իրեն տեսնում է կոնվերգենտ ծառայությունների մեջ: Ցանկացած ընկերություն, որը չի կարողանա առաջարկել ֆիքսված եւ մոբայլ համատեղ ծառայություններ, 3-5 տարի անց ուղղակի չի կարողանա գոյատեւել»,-ասել է Հայկ Եսայանը, որը եւս Պոլիտեխնիկի շրջանավարտ է:
Նրա խոսքով՝ այն ընկերությունները, որոնք առաջիկա տարիներին տրանսֆորմացիայի չեն ենթարկվի, դուրս կմնան թրենդից:
«Յուքոմ»-ի եւ ՀՊՃՀ-ի միջեւ համաձայնություն է ձեռք բերվել համալսարանի լսարաններից մեկը «Յուքոմ»-ի լաբորատորիա անվանակոչելու վերաբերյալ:
Բացի այդ, ՀՊՃՀ-ի 3-րդ, 4-րդ կուրսերի ուսանողներից լավագույնները կսկսեն աշխատել «Յուքոմ»-ում՝ համատեղելով ուսումն ու աշխատանքը:
