18:04 | 10.07.14 | Նորություններ | 2308
ՎիվաՍել-ՄՏՍ-ի անձնակազմը մասնակցեց «Երազանքի գիշեր» միջոցառմանը
Երեւանի կենդանաբանական այգին անցկացրել է «Երազանքի գիշեր» միջոցառումը` հյուրընկալելով ավելի քան 60 երեխաների իրենց ընտանիքների հետ: ՎիվաՍել-ՄՏՍ-ի անձնակազմը, հանգանակելով ավելի քան մեկ միլիոն դրամ, իրականացրեց երեխաներից 6-ի երազանքները:
Առողջական տարբեր խնդիրներով երեխաների օրն անմոռանալի դարձնելու համար այգում նախապատրաստվել էր թատերական, երաժշտական ու խաղային ծրագիր, հյուրասիրություն:
Միջոցառմանն ընդառաջ կազմակերպիչները պարզել էին հրավիրված յուրաքանչյուր երեխայի երազանքը կամ կարիքը: «Երազանքի գիշերվան» նախորդած շուրջ մեկ ամսվա ընթացքում ընդարձակ քարոզարշավ անցկացվեց, որի ընթացքում բազմաթիվ անհատներ ու կազմակերպություններ դարձան մեկ կամ մի քանի երեխայի երազանքների իրականացման հովանավորներ:
