«Այբ» կրթական հիմնադրամն արդեն վեցերորդ անգամ Հայաստանում կազմակերպում եւ անցկացնում է աշխարհի ամենասիրված դպրոցական միջազգային մաթեմատիկական մրցույթը՝ «Կենգուրուն»:
Այս տարի մրցույթը տեղի է ունենալու մարտի 27-ին։ Մրցութային փաթեթ-հրավերներն արդեն ուղարկվել են Հայաստանի եւ Ստեփանակերտի 1252 դպրոցներին: Փաթեթներն ընդգրկում են դպրոցի մասնակցության հայտը, անցկացման մանրամասն կարգը եւ այլ անհրաժեշտ նյութեր:
Աշակերտների մասնակցության վճարումը կատարելու եւ դպրոցի ցանկում գրանցվելու վերջնաժամկետը փետրվարի 27-ն է:
Հետաքրքրված աշակերտներին եւ նրանց ծնողներին կազմակերպիչները խնդրում են դպրոցից վերցնել մրցույթի համար վճարման վավերապայմանները եւ մինչեւ փետրվարի 27-ը կատարել վճարումը «ՎՏԲ-Հայաստան բանկ»-ում: Արցախի աշակերտները վճարում են «Արցախբանկ»-ում:
Մանրամասների համար այցելեք www.kangaroo.am:
Մրցույթն անցկացվում է Հայաստանում՝ ՀՀ կրթության եւ գիտության, Արցախում՝ ԼՂՀ կրթության եւ գիտության նախարարությունների հովանու ներքո:
12:49 | 24.01.14 |
Նորություններ
Արդի կրթական հնարավորություններ` գյուղաբնակ երեխաներին
