Երեւան/Մեդիամաքս/. Հոկտեմբերի 12-14-ը կանցկացվի «ՏՀՏ լիդերների հանդիպում» հերթական ֆորումը՝ նվիրված տեխնոլոգիական ոլորտի կրթական եւ աշխատուժի զարգացման խնդիրներին:
Ինֆորմացիոն Տեխնոլոգիաների Ձեռնարկությունների Միությունը (ԻՏՁՄ) այս անգամ կանցնկացնի ֆորումը Հանքավանի «Անի Ռեզորթ» հանգստյան տանը:
Օրակարգային թեմաներից են`
• Հայկական ազգային ինժեներական լաբորատորիայի ներկայացում
• Ծրագրային ապահովման գերազանցության կենտրոնի ստեղծման անհրաժեշտություն
• Հայաստանում տեխնոլոգիական ոլորտի կրթական ծրագրերի ներկայացում
• Մասնավոր տեխնոլոգիական ընկերությունների կոնսոլիդացիա կրթական ծրագրերի շուրջ
• ՀՀ դպրոցներում ռոբոտաշինության խմբակների ստեղծում եւ այլն:
Ֆորումին կմասնակցեն ՏՀՏ հայաստանյան ընկերությունների, համալսարանների եւ այլ կրթական հաստատությունների, կրթության եւ գիտության, էկոնոմիկայի նախարարությունների, միջազգային կազմակերպությունների եւ մամուլի շուրջ 70 ներկայացուցիչներ։
Հանդիպմանն աջակցում է ԱՄՆ Միջազգային զարգացման գործակալության «Ձեռնարկությունների զարգացման եւ շուկայի մրցունակության» ծրագիրը: Ծրագիրը նպատակային աջակցություն է ցուցաբերում բարձր տեխնոլոգիաների ոլորտի փոքր եւ միջին ձեռնարկություններին կրթական խնդիրների արդյունավետ լուծման ուղղությամբ:
09:06 | 10.10.12 |
Նորություններ
Չեխիան, Լատվիան եւ Իսրայելը մտան ռոումինգի «Orange Գոտի»
