ՎիվաՍել-ՄՏՍ-ի գլխավոր տնօրեն Ռալֆ Յիրիկյանը
photo © VivaCell-MTS
photo © VivaCell-MTS

ՎիվաՍել-ՄՏՍ-ի փորձը ներկայացվել է Կառավարման ակադեմիայում

Երեւան/Մեդիամաքս/. ՎիվաՍել-ՄՏՍ-ի գլխավոր տնօրեն Ռալֆ Յիրիկյանը կազմակերպության գործարար կառավարման փորձը ներկայացրել է Կառավարման ակադեմիայում:

«Ղեկավարի համար կառավարման համակարգի ճկունությունը նույնքան կարևոր է, որքան պրոֆեսիոնալ կադրերի հավաքագրումը: Երբ գործի հիմքում կա պատասխանատվություն, վստահություն և հարգանք` անխուսափելի է նաև հաջողությունը: Առաջընթաց են արձանագրում այն ընկերությունները, որոնց հաջողվում է հասարակության հանդեպ պատասխանատվությամբ դիմակայել մրցակցությանը և ժամանակի մարտահրավերների թելադրած դժվարություններին»,- ապագա մենեջերներին ասել է Ռալֆ Յիրիկյանը:

ՎիվաՍել-ՄՏՍ-ի և կառավարման ակադեմիայի միջև սկսված համագործակցությունը վավերացվեց փոխգործակցության հուշագրով: