«ԱրմենՏել»-ը պարգեւատրել է բջջային գրագիտության թեմայով դպրոցական շարադրությունների մրցույթի հաղթողներին:

Երեւան/Մեդիամաքս/. «ԱրմենՏել» ընկերության (Beeline ապրանքանիշ) գլխավոր տնօրեն Իգոր Կլիմկոն այսօր Երեւանում պարգեւատրել է բջջային գրագիտության թեմայով դպրոցական շարադրությունների մրցույթի հաղթողներին:

Ինչպես հաղորդում է Մեդիամաքս-ը, լավագույն շարադրությունների մրցույթը հայտարարվել էր Beeline-ի, «Երեխաների աջակցության կենտրոն» հիմնադրամի եւ ՀՀ կրթության եւ գիտության նախարարության կողմից 493 մայրաքաղաքային եւ մարզային դպրոցներում կազմակերպված բջջային գրագիտության վերաբերյալ բաց դասերի արդյունքում:

Մրցույթին մասնակցության էր ներկայացվել 2171 շարադրություն, որոնցից լավագույնների հեղինակներին, ինչպես նաեւ նրանց ուսուցիչներին եւ dp8wci տնօրեններին հանձնվեցին նվերներ Beeline-ի կողմից:

Իգոր Կլիմկոյի խոսքերով, «ԱրմենՏել»-ը, հավատարիմ մնալով կրթական ծրագրերին օժանդակելու ռազմավարությանը, կշարունակի աջակցել երեխաների եւ պատանիների իրազեկման բարձրացման ծրագրերին` ուղղված կապի տեխնոլոգիաների անվտանգ կիրառմանը: