Աբովյանում բացվել է “ԱրմենՏել” ՓԲԸ վաճառքի եւ սպասարկման նոր գրասենյակ

Երեւան /Մեդիամաքս/. Այսօր Աբովյան քաղաքում բացվել է “ԱրմենՏել” ՓԲԸ (Beeline ապրանքանիշ) վաճառքի եւ սպասարկման նոր գրասենյակ:

Ինչպես հաղորդում է ՄԵԴԻԱՄՍՔՍ-ը, “ԱրմենՏելի” գլխավոր տնօրեն Իգոր Կլիմկոն միջոցառմանը հայտարարել է, որ վաճառքի եւ սպասարկման գրասենյակների ցանցի ընդլայնումը կարեւոր նախապայման է սպասարկման բարձր որակի ապահովման համար, եւ այսուհետ քաղաքի բնակիչները կարող են օգնություն եւ խորհրդատվություն ստանալ առանց մարզկենտրոն հասնելու:

Ներկայումս Հայաստանում գործում է Beeline-ի վաճառքի եւ սպասարկման շուրջ 60 կենտրոն: