Meta-ն ցուցադրել է Orion լրացված իրականության ակնոցի նախատիպը

Meta-ն ներկայացրել է նոր լրացված իրականության (AR) Orion ակնոցը, որը դեռ չեն վաճառի, այլ կօգտագործեն ընկերության ներսում։
 
Ընկերության հիմնադիր Մարկ Ցուկերբերգն ասել է, որ հաջորդ տարբերակը կարող է վաճառքի հանվել, սակայն չի նշել, թե երբ դա կարող է տեղի ունենալ:

Ակնոցը կարող է աշխատել ինչպես ներսում, այնպես էլ դրսում: Նրանք պետք է «հոլոգրամային էկրաններ» դնեն օգտագործողին շրջապատող օբյեկտների վրա: Ներսում Meta AI նեյրոնային ցանցն է։ Դրա շնորհիվ կարող եք, օրինակ, նայել սառնարանին եւ խնդրել ձեզ գտնել, թե ինչ պատրաստել առկա ապրանքներից, գրում է Engadget-ը։

Ակնոցը փորձարկել են The Verge-ի գլխավոր խմբագրի տեղակալ Ալեքս Հիթը, ինչպես նաեւ Bloomberg-ի խմբագիրները։

«Ակնոցի հետ տրվում է «նյարդային» ապարանջան՝ այն կառավարելու համար եւ անլար սարք, որը սնուցում է սարքը: Եթե դուք նրանից շատ եք հեռանում, ապա ակնոցը «անպետք է դառնում», - ասել է Հիթը։ Սարքը համակարգչին կամ նոթբուքին միացնելու կարիք չկա։

Դուք պետք է կառավարեք սարքը աչքերի, ինչպես նաեւ մատերի շարժումներով: