14:35 | 08.02.23 | Նորություններ | 1712

Microsoft-ը ներկայացրել է ChatGPT-ով աշխատող Bing որոնողական համակարգը

Microsoft-ը ներկայացրել է Bing որոնողական համակարգի թարմացված տարբերակը, որը զինված է արհեստական բանականությամբ՝ OpenAI-ի ChatGPT չատբոտի հիման վրա։

ChatGPT չատբոտի վրա կառուցված Bing-ը կներդրվի Microsoft-ի Edge բրաուզերի նոր տարբերակներում, իսկ ավելի ուշ՝ նաեւ Windows 11 օպերացիոն համակարգում, որտեղ այն կդառնա ԱԲ օգնական բոլոր օգտատերերի համար։

Ինչպես նշում է Microsoft-ը, նոր Bing որոնումը եւ նոր Edge բրաուզերը մի շարք հնարավորություններ ունեն, այդ թվում՝ բարելավված որոնում, ամբողջական պատասխաններ, չատի նոր փորձառություն, ստեղծարարություն, Microsoft Edge-ի նոր ինտերֆեյս: Պատասխանների դասական տարբերակը կլինի ձախից, իսկ բոտի հուշումներն՝ աջից:

Որոնման տողում հնարավոր կլինի գրել մինչեւ 1000 նիշ, իսկ հարցումները կլինեն առարկայական, օրինակ՝ «ինչո՞վ փոխարինել ձուն թխվածք պատրաստելիս» եւ այլն:

photo © Microsoft


Թարմացված Bing-ն այժմ հասանելի է օգտատերերին, սակայն դեռ սահմանափակ նախնական տարբերակով՝ միայն PC համակարգիչների համար։