Վեբ դիզայնի անվճար դասընթացն ընդունում է հայտեր

Մայիսի 5-ից Տեխնոլաբը մեկնարկում է Վեբ դիզայնի (UI / UX ) 8-շաբաթյա անվճար դասընթաց։

Նշվում է, որ մասնակիցները կընտրվեն մրցութային կարգով՝ նախնական ընտրական փուլ անցած մասնակիցների հետ կանցկացվի հարցազրույց։

Դիմելու վերջնաժամկետը մայիսի 2-ն է: Հայտը հասանելի է այստեղ:

Տեխնոլաբը տեխնոլոգիական կենտրոն է, որը հագեցված է համակարգիչներով, եռաչափ տպիչներով, եռաչափ գրիչներով, ինչպես նաեւ կոդավորման ու ռոբոտիկայի համար անհրաժեշտ գործիքակազմով:

Կենտրոնի նպատակն է նոր տեխնոլոգիաների եւ տեխնիկական հմտությունների զարգացման համար անհրաժեշտ գործիքների օգտագործման անվճար հնարավորություններ ապահովել՝ հատկապես երիտասարդների համար:

Կենտրոնում պարբերաբար անցկացվում են կոդավորման եւ ծրագրավորման դասընթացներ: