Fujitsu ընկերության Fugaku սուպերհամակարգիչը՝ առաջ անցնելով ամերիկյան եւ չինական մրցակիցներից, գլխավորել է 500 ամենաարագ սուպերհամակարգիչների համաշխարհային վարկանիշը:
The New York Times-ի փոխանցմամբ, ճապոնական սուպերհամակարգիչը շուրջ երեք անգամ ավելի արագ է, քան երկրորդ տեղում գտնվող մրցակիցը:
Fugaku սուպերհամակարգիչը կիրառվում է կորոնավիրուսի համավարակի հետագա տարածումը կանխատեսելու նպատակով:
Չնայած նրան, որ վարկանիշի առաջատարը ճապոնական համակարգ է, այնուամենայնիվ, Ճապոնիան շարունակում է այս ոլորտում ոչ այնքան մեծ խաղացող համարվել: Համեմատության համար նշենք, որ Թոփ 500 սուպերհամակարգիչների վարկանիշում ընդգրկված են 226 չինական եւ 114 ամերիկյան համակարգեր:
