14:36 | 09.01.20 | Նորություններ | 2486

Twitter-ը պատասխան թվիթների սահմանափակման գործառույթ է թեստավորում

Առաջիկա ամիսներին Twitter-ը կներկայացնի նոր գործառույթ, որը թույլ կտա սահմանափակել այն օգտատերերի թիվը, որոնք կարող են պատասխանել որոշակի թվիթի:

Այս մասին Լաս Վեգասում ընթացող Consumer Electronics Show (CES) 2020 տեխնոլոգիական միջոցառման ժամանակ հայտարարել է Twitter-ի պրոդուկտների կառավարման գծով տնօրեն կառավարման ընկերության տնօրեն Սյուզան Քսին:

Օգտատերերը կկարողանան ընտրել գաղտնիության չորս ռեժիմներից մեկը՝ «Գլոբալ», «Խումբ», «Պանել» եւ «Հայտարարություն»: «Գլոբալ» ռեժիմը չի սահմանափակի այն օգտատերերի թիվը, որոնք կարող են պատասխանել թվիթին: «Խումբ» ռեժիմում կարող են պատասխանել միայն այն օգտատերերը, որոնց բաժանորդագրված է թվիթի հեղինակը: «Պանել»-ը թույլ կտա պատասխանել թվիթին միայն նրանց, ում գրառման հեղինակը հատուկ ընտրել է: «Հայտարարություն»-ն էլ կսահմանափակի բոլոր տեսակի պատասխանները:

Ներկայում գործառույթը գտնվում է մշակման փուլում:

2019թ. նոյեմբերին Twitter-ը հայտարարեց հարթակում քաղաքական գովազդների արգելքի մասին՝ ԱՄՆ-ում նախագահական ընտրությունների քարոզարշավին ընդառաջ: Արգելքը վերաբերվում է ինչպես կոնկրետ թեկնածուներին գովազդող, այնպես էլ կարեւոր քաղաքական հարցերի շուրջ վճարովի գրառումներին: