Beeline-ի աջակցությամբ բացվել է «Արվեստանոց» նախագիծ-ցուցադրությունը

#Beeline

Beeline-ի աջակցությամբ Գաֆէսճեան արվեստի կենտրոնում տեղի է ունեցել «Արվեստանոց» լուսանկարչական ցուցադրություն-նախագծի հանրային բացումը:

Նախագիծն անցկացվում է Գաֆէսճեան պատանեկան խորհրդի մասնակցությամբ եւ ներկայացնում է ինը ֆոտոպատում տասը հայ ժամանակակից նկարիչների եւ նրանց արվեստանոցների մասին։

«Արվեստանոց» նախագիծը մեկնարկել է 2017թ. օգոստոսին վավերագրական լուսանկարչության դասընթացով:

«Beeline-ի համար շատ կարեւոր է, որ երիտասարդները յուրացնեն եւ օգտագործեն ժամանակակից տեխնոլոգիաները։ Այսօրվա դրությամբ լուսանկարչությունը հենց այն ուղղություններից է, որ կապում է արվեստը թվային տեխնոլոգիաների հետ։ Մենք հույս ունենք, որ այս ծրագիրն իսկապես կօգնի մասնակիցներին գտնել իրենց ապագան լուսանկարչության ոլորտում ու նրանց կյանքը կդարձնի ավելի լավը», - նշել է Հայաստանում Beeline-ի Հասարակայնության հետ կապերի ծառայության ղեկավար Նաիրա Նազարյանը:

«Արվեստանոց» ցուցադրությունը ներկայացված է Կենտրոնի Շարժասանդուղքների սրահում մինչեւ հունիսի 3-ը: