PicsArt Animator-ը Google Play-ի՝ տարվա ամենաժամանցային հավելվածների ցանկում է

PicsArt ընկերության գործարկած PicsArt Animator հավելվածը Google Play-ի կողմից ճանաչվել է 2017-ի ամենաժամանցային հավելված։

Google Play-ի՝ հաղթողներին նվիրված բաժնում նշված է, որ «այս անվանակարգում հաղթող ճանաչված հավելվածները ոչ թե ժամանակ սպանելու համար են, այլ դրանից առավելագույնը ստանալու համար»։

PicsArt Animator-ը հեշտորեն օգտագործվող անիմացիոն հավելված է, որը թույլ է տալիս ստեղծել անիմացիաներ եւ մուլտֆիլմեր՝ շատ կարճ ժամանակում։  

PicsArt-ը, որն ունի գրասենյակներ Երեւանում եւ Սան Ֆրանցիսկոյում, ներկայացնում է լուսանկարների մշակման, կոլաժների պատրաստման, նկարելու եւ համատեղ խմբագրելու համար նախատեսված հավելված եւ սոցիալական ցանց:

Ընկերությունը հոկտեմբերի վերջին հայտարարել էր ամսական 100 մլն ակտիվ օգտատերերի շեմը հատելու մասին: PicsArt-ում այդ ժամանակ հայտնել էին, որ հավելվածը ներբեռնվել է 450 մլն անգամ՝ ավելի քան 30 լեզուներով: Այն ամսական ունի օգտատերերի կողմից խմբագրված նկարների ավելի քան 850 մլն բազա։