ՎիվաՍել-ՄՏՍ-ը Viva 2500-ի շրջանակում նոր առաջարկ է ներկայացրել

ՎիվաՍել-ՄՏՍ-ը տեղեկացնում է, որ այսուհետ Viva 2500 սակագնային պլանն ակտիվացնելով՝ 2500 րոպե ներցանցային խոսելաժամանակը կարելի է օգտագործել նաեւ դեպի ՄՏՍ Ռուսաստան եւ Vodafone Ուկրաինա ուղիղ զանգեր կատարելու համար՝ առանց 77 00 հավաքելու:

Առաջարկը գործում է Viva 2500 սակագնային պլանի ինչպես նոր բաժանորդների, այնպես էլ՝ արդեն ակտիվ փաթեթ ունեցող կանխավճարային եւ հետվճարային բաժանորդների համար:

Viva 2500 փաթեթում ներառված 2500 րոպե խոսելաժամանակը սպառելուց հետո, դեպի ՄՏՍ Ռուսաստան եւ Vodafone Ուկրաինա կատարվող զանգերի խոսելաժամանակը հաշվարկվում է Viva 2500 փաթեթում ներառված` դեպի այլ ցանցեր 50 րոպե խոսելաժամանակից:

«ՎիվաՍել-ՄՏՍ-ի ներկայացրած հերթական նոր առաջարկի նպատակը բջջային կապից օգտվող բաժանորդներին առօրյա հաղորդակցության առավել լայն հնարավորություններ ընձեռելն է: Բաժանորդագրվելով «Viva 2500» սակագնային պլանին՝ բաժանորդներն այսուհետ հնարավորություն կստանան ավելի մոտ գտնվել Ռուսաստանում եւ Ուկրաինայում գտնվող իրենց մտերիմներին, գործընկերներին եւ հարազատներին»,- նշել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

Ներառված րոպեները սպառվելուց հետո նշված ուղղություններով կատարվող զանգերի գինը հաշվարկվում է ըստ ընթացիկ պլանով նախատեսված սակագների: