12:40 | 26.07.17 | Նորություններ | 6844
Հայաստան ու Իսրայելը կարծում են, որ «ՏՏ համագործակցությունն ապագա ունի»
ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանն այսօր ընդունել է եռօրյա պաշտոնական այցով Հայաստանում գտնվող՝ Իսրայելի տարածաշրջանային համագործակցության նախարար Ցախի Հանեգբիի գլխավորած պատվիրակությանը:
Վահան Մարտիրոսյանը ներկայացրել է Հայաստանում հեռահաղորդակցության ոլորտի զարգացման ուղղությունները, օպերատորների կողմից ներդրվող նոր տեխնոլոգիաները՝ նշելով, որ նրանք օգտագործում են նաեւ իսրայելական սարքավորումներ:
Նախարարը նաեւ ասել է, որ Հայաստանում գործող մի շարք տեխնոլոգիական կենտրոններ ուրախ կլինեն իրենց հարկի տակ ընդունել իսրայելական ՏՏ ընկերություններին:
Վահան Մարտիրոսյանը Ցախի Հանեգբիին եւ իսրայելական ՏՏ ներկայացուցիչներին հրավիրել է ներկա գտնվել աշնանը Երեւանում կայանալիք ամենամյա Digitec Expo ցուցահանդեսին:
Իսրայելցի նախարարն էլ համոզմունք է հայտնել, որ ՏՏ բնագավառում երկու երկրների միջեւ գործակցությունն ապագա ունի:
Կիբերանվտանգության համատեքստում նախարարներն անդրադարձել են երկու երկրներում այս ոլորտի պատասխանատու կառույցների գործունեությանն ու անվտանգությանն ուղղված միջոցառումներին:
![](https://itel.am/datas/znews/big_[{"basename":"rip-flash-grave1.jpg","link":"\/2017\/07\/26\/59783b9e452d99.82642617.jpg","description":{"am":{"label":"","author":"http:\/\/itc.ua"},"ru":{"label":"","author":"http:\/\/itc.ua"},"en":{"label":"","author":"http:\/\/itc.ua"}},"show_in_text_place":"","hide_from_gallery":"on","sort_order":"0"}])
10:49 | 26.07.17 |
Նորություններ
Adobe-ի Flash Player-ը կիրառությունից դուրս կգա 2020-ից
17:08 | 25.07.17 |
Նորություններ
Beeline-ի աջակցությամբ մեկնարկել է «Սեւան Ստարտափ Սամմիթ 2017-ը»
