ՎիվաՍել-ՄՏՍ-ի եւ «Լոկատոր» ընկերության համագործակցությամբ ստեղծվել է QARTEZ հավելվածը, որի օգնությամբ Երեւանի հյուրերն ու բնակիչները կկարողանան առավել հեշտությամբ գտնել իրենց անհրաժեշտ վայրը՝ խնայելով ժամանակ:
««QARTEZ» հավելվածն օգտակար գործիք է: Այն Երեւանի հյուրերին հնարավորություն կտա ծանոթանալ աշխարհի հնագույն քաղաքներից մեկի պատմական հուշարձաններին, զգալ քաղաքի զարկերակը եւ բացահայտել նրա բնակիչների կենսակերպը: Հավելվածի շնորհիվ՝ տեսարժան վայրերի դիտումն առավել հարմարավետ ու հաճելի կդառնա հյուրերի համար, ինչը կարեւոր քայլ է Երեւանն աշխարհի լավագույն զբոսաշրջային ուղղություններից մեկը դարձնելու գործում: Իսկ ՎիվաՍել-ՄՏՍ-ի՝ Հայաստանում ամենաընդարձակ 3G եւ 4G ցանցերը կօգնեն լավագույնս օգտագործել հավելվածի բազմաթիվ հնարավորությունները»,- ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
«Հավելվածը կարող է գովազդային հարթակ ծառայել այն ընկերությունների համար, որոնք ցանկանում են հատուկ առաջարկներ ներկայացնել կամ հավելվածում պարզապես գովազդային հոլովակ/բաններ տեղադրել իրենց ընկերության անհատական էջին»,- նշել են ՎիվաՍել-ՄՏՍ-ում:
Հավելվածն անվճար է: Օգտագործման հետ կապված ծախսերը վերաբերում են շարժական ինտերնետի սպառմանը:
Նախատեսվում է մոտ ապագայում հավելվածում ընդգրկել Դիլիջանը, Ծաղկաձորը եւ ՀՀ այլ քաղաքներ:
15:17 | 03.02.17 |
Նորություններ
Հայկական Roofbot-ը` AppStore-ի «Շաբաթվա անվճար մոբայլ հավելված»
14:20 | 03.02.17 |
Նորություններ
Uber-ի գործադիր տնօրենը լքում է Թրամփի տնտեսական խորհուրդը
