Հոկտեմբերի 6-ին Կոլբա լաբը, Մայքրոսոֆթ ինովացիոն կենտրոնը, PicsArt-ը եւ CreateTogether թիմը նորարարության օրերի շրջանակում համատեղ կազմակերպում են մեկօրյա հաքաթոն:
Բոլոր նրանք, որոնք ունեն հետաքրքիր գաղափար, որը տեխնոլոգիական լուծման կարիք ունի, կարող են պատմել ծրագրի մասին, լրացնելով հայտը: Գրանցման վերջնաժամկետը սեպտեմբերի 27-ն է:
Հաքաթոնին կարող են մասնակցել ՏՏ ոլորտի գիտելիքներ (մոբայլ հավելվածների նախագծում, ծրագրավորում, կիբեր-անվտանգություն եւ այլն) ունեցողները, որոնք ցանկանում են աշխատել Սիլիկոնային հովտից ժամանած մասնագետների հետ:
#CreateTogether հաքաթոնը կհամախմբի աշխարհի տարբեր անկյուններից ժամանած նորարար մտածողությամբ մարդկանց, ՏՏ մասնագետներին, ձեռներեցներին ու ստեղծագործ մարդկանց: Հայաստանաբնակ մասնակիցներն ու ժամանած մասնագետները կաշխատեն միասին Երեւանում կայանալիք միջոցառմանը՝ ստեղծելով նոր տեխնոլոգիական ապրանքներ ու ծառայություններ:
Մեկօրյա համատեղ աշխատանքը կամփոփվի մշակված ապրանքների/ծառայությունների մրցույթով:
Հաքաթոնը նորարար ու տեխնոլոգիական հավաք է, որի ընթացքում ծրագրավորողներն աշխատում են միասին` կարճ ժամանակում ստեղծելով որեւէ տեխնոլոգիական ծառայություն/ապրանք (ապրանքի մոդելը): Միջոցառման ընթացքում մասնակիցները աշխատում են թիմերում, յուրաքանչյուր ոք միանում է այն գաղափարին, որն առավել հետաքրքիր է իրեն:
13:05 | 15.09.15 |
Նորություններ
ՀՀ-ն պատրաստ է խորացնել համագործակցությունը «Մայքրոսոֆթ»-ի հետ
