Kaspersky լաբորատորիան հաքերային հարձակման է ենթարկվել, որի հետեւանքով հաքերներին հաջողվել է մուտք ստանալ վերջինիս ներքին ֆայլերին:
Այս մասին ընկերությունը հայտնել է իր կորպորատիվ բլոգում:
Kaspersky Lab-ում վստահ են, որ հարձակման հետեւում կանգնած է այլ պետություն: Տեսակետ կա, որ հարձակումը նպատակ է ունեցել որոշակի տեղեկատվություն հասցնել երրորդ կողմի:
Ընկերությունում նշում են, որ հաքերներն այդպես էլ չեն կարողացել գողանալ ամենակարեւոր ֆայլերը: Հետեւաբար, բոլոր կարեւոր տեղեկությունները պաշտպանված են, եւ իրենք ի զորու են դիմագրավելու նմանատիպ սպառնալիքների:
Լաբորատորիան հարձակման նպատակը պայմանավորում է ընկերության նորագույն տեխնոլոգիական նվաճումները բացահայտելու փորձով՝ նշելով, որ հաքերները դրանք գողանալու ցանկություն են ունեցել:
Kaspersky-ն հաքերային հարձակմանն անգամ անվանում է տվել՝ Duqu 2.0՝ ի պատիվ Duqu հայտնի վիրուսի, որը 2011թ. օգտագործվել է Իրանի, Հնդկաստանի, Ֆրանսիայի եւ Ուկրաինայի դեմ հարձակումներում: Նշվում է, որ ինչպես նախորդ անգամ, այս անգամ եւս հաքերներն օգտվել են Microsoft-ի սոֆթի խոցելիությունից:
11:36 | 11.06.15 |
Նորություններ
Էջմիածինը միացել է «Յուքոմ» ցանցին
