17:24 | 08.08.14 | Նորություններ | 1223
Շարունակվում է համակարգչային եւ բջջային խաղերի առաջնությունը
Օգոստոսի 9-ին տեղի կունենա «Բաց Խաղ» համակարգչային եւ բջջային խաղերի նախագծման առաջնության երկրորդ մրցութային փուլը:
Առաջնությանն այս պահին մասնակցում է 20 թիմ, որոնք մրցում են նախապես հայտարարված 8 անվանակարգերում: Առաջնությանը գրանցումը դեռեւս բաց է, բոլոր ցանկացողները կարող են գրանցել իրենց խաղերը մինչեւ հոկտեմբերի 12-ը՝ հետեւյալ հղմամբ: Վաղօրոք գրանցվողները հնարավորություն կունենան պարբերաբար հանդիպել մրցույթի ժյուրիի անդամների հետ եւ ստանալ խորհուրդներ խաղերի հետագա զարգացման վերաբերյալ:
Մինչ այժմ գրանցված թիմերին եւ նրանց ներկայացրած խաղերին կարելի է ծանոթանալ այստեղ:
Այս տարի առաջնության մրցանակային ֆոնդը 3 000 000 ՀՀ դրամ է: Առաջնության մասնակիցները նաեւ հնարավորություն ունեն անվճար մասնակցելու «Բաց Խաղ»-ի շրջանակներում կազմակերպվող միջոցառումներին, վարպետության դասերին եւ Տեխնոլոգիաների Ձեռնարկությունների Միության (ԻՏՁՄ) միջոցառումներին:
Մրցութային 2-րդ փուլին կարող են ներկա գտնվել ոլորտով հետաքրքված բոլոր ցանկացողները:
Առաջնությունն արդեն չորրորդ անգամ ներկայացնում են ԻՏՁՄ-ն եւ «Orange Արմենիա» ընկերությունը, որը նախագծի գլխավոր գործընկերն է: Առաջնության գլխավոր հովանավորն է «ՍոֆթՔոնսթրաքթ» ընկերությունը:
Առաջնության նպատակն է զարգացնել համակարգչային եւ բջջային խաղերի նախագծման ոլորտը Հայաստանում, դուրս գալ միջազգային շուկա, մոտիվացնել երիտասարդների հետագա ներգրավումը ՏՏ ոլորտ:
14:25 | 08.08.14 |
Նորություններ
ԴիջիՔամփ 2014-ը կհամախմբի բիզնես գաղափարներով առանձնացող երիտասարդներին
14:20 | 08.08.14 |
Նորություններ
Նախատեսվում է մինչեւ 2023թ.-ը ՏՏ ոլորտում ունենալ 40 հազար մասնագետ
