13:25 | 18.10.13 | Նորություններ | 3402
ՀՊՃՀ-ում բացվել են Կասպերսկու լաբորատորիայի ուսումնական եւ սերտիֆիկացման կենտրոնները
Հայաստանի պետական ճարտարագիտական համալսարանում (ՀՊՃՀ) պրոֆեսոր Եվգենի Կասպերսկու մասնակցոությամբ ասօր բացվել են Կասպերսկու լաբորատորիայի ուսումնական եւ սերտիֆիկացման կենտրոնները:
Ինչպես հաղորդում է Մեդիամաքս-ը, Եվգենի Կասպերսկին ասել է, որ երիտասարդներին կրթելուց բացի կենտրոնները կշահագործվեն նաեւ այլ նպատակներով:
“Պատրաստ եղեք նրան, որ պետք է շատ սովորեք: Այստեղ նաեւ քննություններ կհանձնեք եւ խիստ ստուգումներ կանցնեք ”,- դիմելով ուսանողներին` ասել է Եվգենի Կասպերսկին:
Նորաբաց սերտիֆիկացման կենտրոնում ՀՊՃՀ ուսանողները եւ այլ ցանկացողները սերտիֆիկատ ստանալու համար օնլայն ռեժիմով քննություններ կհանձնեն Կասպերսկու լաբորատորիայի փորձագետների մասնակցությամբ:
Այսօր Երեւանում նախատեսվում է նաեւ Եվգենի Կասպերսկու վարպետության դասընթացը:
