Ֆիննական Nokia-ի նախկին աշխատակիցներից կազմված թիմը ներկայացրել է նոր սմարթֆոն՝ Jolla, որն աշխատում է յուրահատուկ Sailfish օպերացիոն համակարգով:
Սոֆթը պատրաստվել է Nokia-ի MeeGo նախագծի բազայի վրա: Այդ նախագիծը 2011-ին մերժվել էր Nokia-ի կողմից, քանի որ վերջինս որոշեց իր սարքերի վրա տեղադրել Windows օպերացիոն համակարգը, գրում է BBC-ն:
Jolla սմարթֆոնը, որն արտասանվում է «Yol-la», վաճառքի կհանվի այս տարեվերջին, այն էլ՝ միայն օնլայն ճանապարհով:
Սմարթֆոնն ունի 4,5 դյույմանոց դիսփլեյ, 8 մպ ֆոտոխցիկ, աշխատում է 4G ցանցում եւ համատեղելի է Android-հավելվածների հետ:
Սմարթֆոնն ունի հետաքրքիր հատկություն. նրա գունավոր ետնամասը կարելի է փոփոխել, ինչպես բազմաթիվ այլ սմարթֆոններում, սակայն օպերացիոն համակարգը կռահում է, թե ի՞նչ գույնի ետնամաս է ընտրված եւ համապատասխանեցնում է այդ գունային գամմային նաեւ սմարթֆոնի ինտերֆեյսը:
Սմարթֆոնի համահեղինակ Անթի Սաարնիոն չի բացում այս յուրահատկության գաղտնիքը, սակայն կարելի է ենթադրել, որ օգտագործվել է near-field communication (NFC) տեխնոլոգիան:
09:14 | 21.05.13 |
Նորություններ
IBM-ը կուսումնասիրի Հայաստանի տնտեսական ներուժին աջակցելու ուղիները
16:49 | 20.05.13 |
Նորություններ
«Կենգուրու 2013»-ն ունի 4 հաղթող
