Արմենտելի հեռախոսագծի տեղադրման գինն իջեցվել է մինչեւ 2400 դրամ

ԱրմենՏելը (Beeline ապրանքանիշ) շուրջ 5 անգամ իջեցրել է ֆիքսված կապի միանվագ ծառայությունների սակագները ֆիզիկական եւ իրավաբանական անձանց համար:

Հիմնական հեռախոսագծի տեղադրումը նախկին 12000 դրամի փոխարեն այժմ կազմում է 2400 դրամ, իսկ հիմնական հեռախոսագծի ժամանակավոր տեղադրումը (մեկ ամսից ոչ ավել) այժմ կազմում է 1800 դրամ նախկին 9600 դրամի փոխարեն:

«ԱրմենՏելը նորարարական տեխնոլոգիաների ներդրման շնորհիվ զգալիորեն նվազեցնում է ֆիքսված հեռախոսակապի միանավագ ծառայություների սակագները: Ուրախ ենք, որ մեր հաճախորդներն այժմ կարող են միանալ ֆիքսված հեռախոսակապին ավելի շահավետ պայմաններով եւ ստանալ իրականում բարձորակ կապ բավականին ցածր սակագնով»,-  նշել է ընկերության գլխավոր տնօրենի ժամանակավոր պաշտոնակատար Կարեն Շախնազարյանը: