03:07 | 12.12.12 | Նորություններ | 1237
Ստորագրվել է հուշագիր Հայաստանում առաջին վենչուրային հիմնադրամի ստեղծման մասին
Երեւան/Մեդիամաքս/. Սիլիկոնյան հովտի Plug & Play տեխնոլոգիական կենտրոնում պաշտոնապես բացվել է Հայաստանի տեղեկատվական եւ բարձր տեխնոլոգիաների ներկայացուցչական գրասենյակը:
Ինչպես հաղորդում է Մեդիամաքս-ը, Հայաստանի ներկայացուցչության բացման արարողությանը ներկա է եղել ՀՀ վարչապետ Տիգրան Սարգսյանը:
Կենտրոնում տեղի է ունեցել նաեւ Հայաստանում առաջին վենչուրային հիմնադրամի ստեղծման մասին փոխըմբռման հուշագրի ստորագրությունը:
«Այս ներկայացուցչությունն իր աշխատանքները սկսում է բավականին լավ հիմքի վրա: Այդ հիմքը Սիլիկոնյան հովտում գործող հայկական ձեռնարկություններն են, հայկական ներուժը, որը կազմակերպվել է երիտասարդ գործարարների եւ մասնագետների շնորհիվ: Ստեղծվել է մի ցանց, որը ներառում է 200 փոքր եւ միջին ընկերություններ՝ հայկական ներուժի մասնակցությամբ»,- ասել է կառավարության ղեկավարը:
Տիգրան Սարգսյանը կարեւորել է պետություն-մասնավոր համագործակցության ներքո Վենչուրային հիմնադրամի ստեղծումը:
«Ստորագրվել է նաեւ Հայաստանում չիպերի արտադրության նոր գործարանի կառուցման հուշագիր: Մենք ունենալու ենք ոչ միայն ծրագրավորող ընկերություններ, այլեւ չիպերի արտադրություն»,- նշել է վարչապետը:
00:05 | 12.12.12 |
Նորություններ
Հայաստանը կմասնակցի Plug and Play-ի սթարթափների ծրագրին
06:20 | 11.12.12 |
Նորություններ
Orange-ի նոր առաջարկները միջազգային զանգերի եւ ռոմինգի համար
