07:00 | 04.10.12 | Նորություններ | 1868
Առաջարկվում է Հայաստանում ռոբոտաշինություն սովորեցնել դպրոցից
Երեւան/Մեդիամաքս/. Ինֆորմացիոն տեխնոլոգիաների ձեռնարկությունների միությունը առաջարկ է պատրաստում կառավարությանը, ըստ որի Հայաստանի բոլոր հանրակրթական դպրոցներում պետք է ստեղծվեն ռոբոտաշինական խմբակներ:
Այդ մասին այսօր ասել է միության տնօրեն Կարեն Վարդանյանը:
Նա տեղեկացրել է, որ ներկայումս միությունը գերմանական Chronimet ընկերության հետ համատեղ դպրոցականների շրջանում ռոբոտաշինության զարգացման ծրագիր է իրականացնում, որը կօգնի հասկանալ, թե ինչ ձեւաչափով է այս ուղղությունը ներդրվելու համատարած:
