Երեւան/Մեդիամաքս/. Ամերիկյան Միչիգան նահանգում հարյուրավոր մեքենաներ զինվել են հատուկ սարքերով, որոնք թույլ են տալիս նրանց «շփվել» միմյանց հետ եւ նախազգուշացնել վարորդներին հնարավոր վթարներից:
Նախաձեռնությունը ԱՄՆ տրանսպորտի նախարարությանն է, որն այս կերպ ձգտում է նվազեցնել ճանապարհային պատահարների թիվը, գրում է Բի-Բի-Սի-ն:
Շուրջ 500 բեռնատար մեքենաներ եւ ավտոբուսներ արդեն զինվել են սարքերով, որոնց աշխատանքը հիշեցնում է WiFi տեխնոլոգիայով ինտերնետ-կապը: Հոկտեմբերին այսպիսի «չաթ»-երով կհագեցվեն արդեն շուրջ 3000 մեքենաներ:
Սարքերի միջոցով վարորդները կնախազգուշացվեն այն դեպքերում, եթե նրանց սպառնում է բախում խաչմերուկում, երբ նրանք դեռ չեն տեսնում այլ փողոցից եկող մեքենային, եթե այլ մեքենան փոխում է գիծը «մեռյալ գոտում» եւ եթե դիմացի ավտոմեքենան կտրուկ արգելակում է:
Եթե նախագիծն իրեն արդարացնի, սարքերի տեղադրումը պարտադիր կդառնա ԱՄՆ-ում:
17:17 | 22.08.12 |
Նորություններ
Nikon-ը թողարկել է Android-ով գործող առաջին ֆոտոխցիկը
16:19 | 20.08.12 |
Նորություններ
Հայաստանում կանցկացվի «StartUp Cup» բիզնես-մոդելների մրցույթ
