12:26 | 27.04.12 | Նորություններ | 4209
Microsoft-ի նախաձեռնությամբ Երեւանում կանցկացվի «Նորարարություն, Մրցունակություն եվ Տնտեսական աճ» համաժողովը
Երեւան/Մեդիամաքս/. Մայքրոսոֆթ-ի հայաստանյան ներկայացուցչության նախաձեռնությամբ եւ Հայաստանի ազգային մրցունակության հիմնադրամի աջակցությամբ ապրիլի 28-ին Երեւանում կանցկացվի «Նորարարություն, Մրցունակություն եվ Տնտեսական աճ» թեմայով համաժողովը:
Ինչպես Մեդիամաքս-ին հայտնել են Մայքրոսոֆթ-ի հայաստանյան գրասենյակում, համաժողովը նվիրված կլինի ՏՀՏ միջոցով Հայաստանի համաշխարհային մրցունակության բարձրացմանը:
Համաժողովի ընթացքում, մասնավորապես, կքննարկվեն նորարարության բնագավառում պետություն-մասնավոր համագործակցության ձևաչափը և գործիքակազմը, էլեկտրոնային հասարակության ձեւավորման հարցերը, նորարարական կրթական համակարգերը եւ ՏՀՏ դերը նորարարության և ազգային մրցունակության մեջ:
Միջոցառմանը ներկա կլինեն, մասնավորապես, Microsoft-ի փոխնախագահ Վահե Թորոսյանը եւ կորպորացիայի տարածաշրջանային ղեկավարՎերոնիկա Պրիկրիլովան:
Միջոցառումը տեղի կունենա Մարիոթ Արմենիա հյուրանոցում եւ կտեւի 9:30-ից մինչեւ 14:00-ն:
