«ՎիվաՍել-ՄՏՍ»-ի աջակցությամբ կայացավ «Ծաղկաձոր» լեռնադահուկային կենտրոնի բացումը

Երեւան/Մեդիամաքս/. «Ծաղկաձոր» լեռնադահուկային կենտրոնի պաշտոնական բացումը տեղի է ունեցել երեքշաբթի օրը` «ՎիվաՍել-ՄՏՍ» ընկերության ֆինանսական աջակցությամբ:

Ինչպես Մեդիամաքս-ին հայտնել են ընկերության մամուլի ծառայությունում, կենտրոնն ունի կարեւոր նշանակություն համաշխարհային դասի մրցաշարերի կազմակերպման համար, ինչը նախկինում անհնարին էր: «ՎիվաՍել-ՄՏՍ»-ի աջակցության շնորհիվ կենտրոնը հագեցած է միջազգային մրցումների անցկացման համար անհրաժեշտ պրոֆեսիոնալ սարքավորումներով:

«Հայաստանում միջազգային մրցույթների անցկացումը զարգացած ենթակառուցվածքների շնորհիվ կնպաստի տնտեսական զարգացման շարունակականության ապահովմանը: Հայաստանն աստիճանաբար դառնում է ձմեռային սպորտի համար զբոսաշրջային գրավիչ ուղղություններից մեկը, եւ մենք պետք է աջակցենք այս համահայկական նշանակության նախագծին»,- ասել է «ՎիվաՍել-ՄՏՍ»-ի գլխավոր տնօրեն Ռալֆ Յիրիկյանը:

«ՎիվաՍել-ՄՏՍ»-ը Ծաղկաձորի, Հրազդանի, Ապարանի, Վանաձորի, Գյումրիի, Աշոցքի եւ Երեւանի մարզիկներին տրամադրել է նաեւ լեռնադահուկային 150 միավոր հանդերձանք: Հուսալի ինտերնետ-հասանելիության ապահովումը «ՄՏՍ-Կոնեկտ» 3G մոդեմների միջոցով առանցքային նշանակություն է ունեցել Ծաղկաձորում միջազգային մակարդակի մրցաշարերի անցկացման հարցում: