Beeline-ը նվազեցրել է շարժական ինտերնետի սակագները իրավաբանական անձանց համար

Երեւան/Մեդիամաքս/. “ԱրմենՏել” ընկերությունը (Beeline ապրանքանիշ) հայտարարել է իրավաբանական անձանց մատուցվող “Ինտերնետ բոլորի համար” ծառայության սակագների նվազեցման մասին` 1 մեգաբայթը 90 դրամ նախկին 150 դրամի փոխարեն:  

Ինչպես Մեդիամաքս-ին հայտնել են ընկերության մամուլի ծառությունում, “Ինտերնետ բոլորի համար” ծառայությունը հնարավորություն է ընձեռում միանալ ինտերնետ ցանցին անմիջապես հեռախոսի բրաուզերի միջոցով:

Մամուլի ծառայությունում նշել են, որ “Ինտերնետ բոլորի համար” ծառայությունը ակտիվացնելու վճար և ամսական  բաժանորդավճար նախատեսված չեն:

Ծառայությունն ակտիվացնելու կամ ապաակտիվացնելու համար անհրաժեշտ է  զանգահարել 0611 անվճար հեռախոսահամարին կամ այցելել Beeline սպասարկման եւ վաճառքի գրասենյակներ: