Orange-ը կրկնապատկել է կապուղիների թողունակությունը` թրաֆիկի «աննախադեպ մեծ ծավալների» պատճառով

Երեւան /Մեդիամաքս/. Orange-ը կրկնապատկել է իր միջազգային կապուղիների թողունակությունը, ինչը պայմանավորված է ընկերության ինտերնետի բաժանորդների աճող քանակով եւ տվյալների փոխանցման «աննախադեպ մեծ ծավալներով»:

Այս մասին ՄԵԴԻԱՄԱՔՍ-ին հայտնեցին ընկերության մամլո ծառայությունում:

«Միջազգային կապուղիների թողունակության մեծացումը թույլ կտա երկարատեւ հեռանկարում բաժանորդներին ապահովել բարձրորակ միջազգային ինտերնետ կապով: Orange-ը հետագայում եւս արագորեն արձագանքելու է շուկայում ստեղծված պահանջարկին եւ համապատասխան քայլեր է ձեռնարկելու այդ ուղղությամբ», - նշեցին ընկերությունում: