Երեւան /Մեդիամաքս/. “ԱրմենՏել” ընկերության (Beeline ապրանքանիշ) գլխավոր տնօրեն Իգոր Կլիմկոն այսօր հայտարարել է, որ մինչեւ տարեվերջ ընկերությունը կկրկնապատկի իր 3G ցանցի հնարավորությունները:
Ինչպես հաղորդում է ՄԵԴԻԱՄԱՔՍ գործակալությունը, այսօր Երեւանում կայացած մամլո ասուլիսում Իգոր Կլիմկոն հայտնել է, որ մինչեւ տարեվերջ 3G ցանցը հասանելի կդառնա նաեւ Գյումրի, Աշտարակ, Ջերմուկ եւ Վանաձոր քաղաքներում:
Պատասխանելով նոր օպտիկաթելային մալուխ անցկացնելու հնարավորության մասին հարցին` Իգոր Կլիմկոն ասել է, որ գոյություն ունեցող կապուղիները կարող են բավարարել ինտերնետի պահանջարկը, սակայն եթե 2010թ. ընթացքում պահանջարկը կտրուկ աճի, “ԱրմենՏելը” համապատասխան քայլեր կձեռնարկի:
10:27 | 16.11.09 |
Նորություններ
VivaCell-MTS-ի շահույթն ավելացել է
