ՀԾԿՀ-ն Orange Armenia-ին տրամադրել է 6 զույգ ռադիոհաճախականություն

Երեւան /Մեդիամաքս/. ՀՀ Հանրային ծառայությունները կարգավորող հանձնաժողովը Orange Armenia ընկերությանը տրամադրել է 6 զույգ ռադիոհաճախականություն Երեւան քաղաքում:

Ինչպես հաղորդում է ՄԵԴԻԱՄԱՔՍ-ը, հանձնաժողովի նախագահ Ռոբերտ Նազարյանը ողջունել է երրորդ օպերատորի մուտքը ՀՀ բջջային կապի շուկա:

“Հասարակությունը եւ ԶԼՄ-ները անհամբերությամբ սպասում էին Orange Armenia-ի` շուկա մտնելու ամսաթվի հայտարարմանը, եւ վաղը` նոյեմբերի 5-ին, նոր օպերատորը կսկսի ծառայություններ մատուցել Հայաստանի բնակիչներին”,- ասել է Ռոբերտ Նազարյանը: 

Orange Armenia ընկերության գլխավոր տնօրեն Բրունո Դյութուան խորհուրդ է տվել “համբերությամբ սպասել վաղվան բոլոր մանրամասների բացահայտման համար”:

Նա նշել է, որ ընկերությունը նախատեսում է ներգրավել “հնարավորինս շատ բաժանորդներ”: