«ՎիվաՍել-ՄՏՍ»-ն առաջատարն է շարժական կապի ժամանակակից ծառայությունների ոլորտում, ասել է ընկերության ղեկավարը

Երեւան /Մեդիամաքս/. «ՎիվաՍել-ՄՏՍ»-ն այսօր մրցակցային շուկայում առաջինն է շարժական կապի ժամանակակից ծառայությունների, այդ թվում՝ լայնաշերտ ինտերնետ ապահովելու առումով:

Ինչպես հաղորդում է ՄԵԴԻԱՄԱՔՍ գործակալությունը, այս մասին ասել է "ՎիվաՍել-ՄՏՍ"-ի գլխավոր տնօրեն Ռալֆ Յիրիկյանը` ԵՊՀ Իջեւանի մասնաճյուղի ուսանողների հետ հանդիպմանը:

"Ամենաթանկ արժեքը մարդկային կապիտալն է եւ այդ ներուժով` ստանձնած պարտավորությունները կատարելը: Միշտ պարտավորվել ենք ցանց ստեղծելու առումով եւ մեր ուժերը շարունակաբար ներդնելով` գնացել ենք առաջ: Երրորդ սերնդի ցանց ապահովելը մեկն էր այն պարտավորություններից, որը ստանձնել էր շարժական կապին օպերատորը: Այսօր արդեն, ՎիվաՍել- ՄՏՍ-ն առաջարկում է այդ ցանցի ընձեռած հնարավորություններից օգտվելու տարբեր լուծումներ: ՎիվաՍել-ՄՏՍ-ն այսօր մրցակցային շուկայում առաջինն է շարժական կապի ժամանակակից ծառայությունների, այդ թվում՝ լայնաշերտ ինտերնետ ապահովելու առումով", - ասել է Ռալֆ Յիրիկյանը:

Ոլորտի հետագա զարգացումն ապահովելու եւ հաջողությունների հասնելու համար "ՎիվաՍել-ՄՏՍ"-ի գլխավոր տնօրենը կարեւոր համարել վաղվա մասնագետներին ընդառաջ գնալու բիզնեսի պատրաստակամությունը: