“Այբ” հիմնադրամը ներկայացրեց MIT կրթական ռեսուրսի հայելային կայքէջը Հայաստանում

Երեւան /Մեդիամաքս/. “Այբ” կրթական հիմնադրամն այսօր Երեւանում անցկացրեց Մասսաչուսեթսի տեխնոլոգիական ինստիտուտի (MIT) OpenCourseWare կրթական ռեսուրսի հայելային կայքէջի ներկայացումը:

Ինչպես հաղորդում է ՄԵԴԻԱՄԱՔՍ գործակալությունը, հայելային կայքը գործում է  http://ocw.mit.am հասցեով:

Հայելային կայքը միացված է Երեւանի պետական համալսարանի (ԵՊՀ) ներքին ցանցին, ինչպես նաեւ ARENA ցանցին, որը միավորում է 32 հայկական բուհ: Սա նշանակում է, որ տվյալ ցանցերից հնարավոր է օգտվել OpenCourseWare-ի ռեսուրսներից առանց ինտերնետին միանալու (լոկալ ցանցով): 

OpenCourseWare-ում հասանելի են 1900 կրթական ծրագրեր 40 առարկաներով` ներառյալ դասախոսությունների տեսագրություններ, խնդիրներ, թեսթեր եւ այլն: Այս կրթական ռեսուրսից ամսական օգտվում է 1 մլն մարդ: