VivaCell-MTS-ի դպրոցի առաջին ուսանողները ստացել են վկայականներ

Երեւան /Մեդիամաքս/. VivaCell-MTS-ում այսօր տեղի է ունեցել տեղեկատվական տեխնոլոգիաների ոլորտում մասնագիտացած հայաստանյան բուհերի ուսանողների համար բացված դպրոցի առաջին սաներին վկայականներ հանձնելու արարողությունը:

Ինչպես տեղեկացրել է ընկերության գլխավոր տնօրեն Ռալֆ Յիրիկյանը, “VivaCell-MTS-ի դպրոցը շարունակական նախագիծ է, քանի որ մեր ընկերությունն իր պարտքն է համարում մասնակցել երիտասարդ սերնդի մասնագիտական դաստիարակությանը”:

“VivaCell-MTS-ի դպրոցը ուսանողներին հնարավորություն է տալիս ստանալ ոչ միայն ժամանակակից հմտություններ եւ գիտելիքներ նորագույն տեխնոլոգիաների մասին, այլեւ ներկայացնել երկրի հեռահաղորդակցային ոլորտի զարգացման վերաբերյալ սեփական պատկերացումները”, - ասել է Ռալֆ Յիրիկյանը: 

Երեք բուհերի 30 ուսանողներ դարձել են VivaCell-MTS-ի դպրոցի առաջին սաները:

Ընկերության գլխավոր տնօրենն ասել է, որ ընկերությունը կանի հնարավոր ամեն ինչ, որպեսզի հնարավորինս շատ ուսանողներ հնարավորություն ունենան ուսանել VivaCell-MTS-ի դպրոցում: