“ՎիվաՍել-ՄՏՍ”-ը հատուկ քարտ է թողարկել Հայաստանի հյուրերի համար

Երեւան /Մեդիամաքս/. “ՎիվաՍել-ՄՏՍ” բջջային օպերատորը հայտարարել է “Տուրիստ” կանխավճարային քարտի թողարկման մասին, որը ստեղծվել է հատուկ Հայաստանի հյուրերի համար:

Բացի կանխավճարային քարտից, փաթեթը ներառում է Հայաստանի եւ Երեւանի քարտեզները, Երեւանի ուղեցույց` մի շարք ծառայությունների զեղչային կտրոններով: Քարտի արժեքը 3000 դրամ է:

Քարտեր ձեռք բերողները կարող են անվճար ուղարկել առաջին 10 SMS-ները եւ օգտվել միջազգային զանգերի ավելի մատչելի սակագներից: