Երեւանում տեղի կունենա “Տարածաշրջանային համագործակցության խթանում ՏՏ միջոցով” համաժողովը

Երեւան /Մեդիամաքս/. Ապրիլի 2-3-ին Երեւանում տեղի կունենա “Տարածաշրջանային համագործակցության խթանում ՏՏ միջոցով” համաժողովը:

Ինչպես այսօր ՄԵԴԻԱՄԱՔՍ գործակալությանը հայտնել են ՀՀ էկոնոմիկայի նախարարության մամլո ծառայությունում, համաժողովը տեղի կունենա Սեւծովյան տնտեսական համագործակցության կազմակերպությունում /BSEC/` Հայաստանի նախագահության շրջանակներում: Համաժողովին կմասնակցեն Հայաստանի, Ռուսաստանի, Ուկրաինայի, Վրաստանի եւ Թուրքիայի, ինչպես նաեւ ՀՀ տեղեկատվական ու հեռահաղորդակցության ոլորտի ներկայացուցիչներ:

Համաժողովի կազմակերպիչներն են ՀՀ էկոնոմիկայի նախարարությունը, ՀՀ արտաքին գործերի նախարարությունը եւ “Ձեռնարկությունների ինկուբատոր” հիմնադրամը: 

Համաժոովը կմեկնարկի վաղը, ժամը 10:30-ին` “Արմենիա Մարիոթ” հյուրանոցում: