OpenAI-ը 40 մլրդ դոլար է ներգրավել՝ գնահատվելով 300 մլրդ դոլար

OpenAI-ը հայտարարել է 40 մլրդ դոլար ներդրում ներգրավելու մասին։ ChatGPT-ի մշակողը, գնահատվելով 300 մլրդ դոլար, դարձել է աշխարհում երկրորդ ամենաթանկ ստարտափն Իլոն Մասկի SpaceX-ից հետո։

Ընկերությունը 40 միլիարդ դոլար կստանա SoftBank-ից եւ այլ ներդրողներից: Դրանց թվում են Microsoft-ը, Coatue-ն, Altimeter-ը եւ Thrive-ը, գրում է CNBC-ն։

OpenAI-ը նախատեսում է օգտագործել այդ միջոցները՝ առաջ մղելու AI հետազոտության սահմանները եւ ընդլայնելու իր հաշվողական ենթակառուցվածքը:

CNBC-ի աղբյուրների համաձայն՝ այս գումարից 18 մլրդ դոլարը կուղղվի Stargate նախագծին։ Ներդրումային փուլը պատմության մեջ ամենամեծերից մեկն է եւ OpenAI-ի գնահատումը զիջում է միայն Իլոն Մասկի SpaceX-ին, որը գնահատվում է 350 միլիարդ դոլար:

Ներդրումները կլինեն մի քանի տրանշներով. SoftBank-ը նախ կներդնի 7,5 միլիարդ դոլար, իսկ ներդրողները՝ 2,5 միլիարդ դոլար: OpenAI-ը կստանա մնացած 30 միլիարդ դոլարը մինչեւ 2025 թվականի վերջը:

2024 թվականի հոկտեմբերին ChatGPT-ի մշակողը գնահատվել էր 157 միլիարդ դոլար։ Այն ժամանակ OpenAI-ն ստացել էր մոտ 5 միլիարդ դոլարի վնաս՝ 3,7 միլիարդ դոլար եկամուտով, իսկ 2025 թվականին ծրագրում է շահույթը հասցնել 11,6 միլիարդ դոլարի։