«Plug and Play» ծրագրի մասնակից ստարտափները զգալի հաջողություններ են գրանցել

ՀՀ բարձր տեխնոլոգիական արդյունաբերության նախարարության եւ «Plug and Play» միջազգային հեղինակավոր աքսելերատորի կողմից հոկտեմբերի 30-ից մեկնարկած ծրագիրը շարունակվում է:

Մասնակցության հայտ ներկայացրած 119 ստարտափից ծրագրում ընդգրկվել է 20-ը՝ Tactun, Kerpak, The Fintch, EdMap, Prodmap, Doctor Yan, Biocentric, Wearify, Hirebee, Zegashop, Moby, Sestive, Hoviv, FiveBrane, Text'nPayMe, Doccy, CaseLens, doodooc, LunarTech, Pearch.AI ստարտափները։

Ծրագրում ընդգրկված ընկերություններին «Plug and Play»-ը տրամադրում է խորհրդատվական ծառայություններ, բիզնեսի զարգացման եւ գործարար կապերի հաստատման օժանդակում, նորարարության աջակցություն եւ անհատական մենտորություն:

Մասնակիցներից 7-ը՝ Doccy, Biocentric. ai, Tactun, Moby, Zegashop, Prodmap. ai, Perch. ai ստարտափների ներկայացուցիչները, նոյեմբերի 19-21-ը մասնակցել են «Plug and Play»-ի Սիլիկոնյան հովտի «Ձմեռային գագաթնաժողով 2024»-ին։ Մասնակից հայաստանյան ստարտափները Winter Summit 2024-ին ներկայացրել են իրենց պրոդուկտները։ Արդյունքում՝ մի շարք պայմանավորվածություններ են ձեռք բերվել ներդրողների հետ՝ հետագա համագործակցությունների վերաբերյալ։

Մասնակից ստարտափներն արդեն զգալի հաջողություններ են գրանցում՝ համագործակցություն ստեղծելով միջազգային հեղինակավոր կազմակերպությունների հետ։

Մրցույթի համար նախատեսված բյուջեն կազմում է 336 միլիոն ՀՀ դրամ: