Telegram-ի հիմնադիր Պավել Դուրովը հայտարարել է մեսենջերում «ներքին արժույթի» գործարկման մասին։
Telegram Stars-ը կարող է օգտագործվել բոտերում եւ մինի հավելվածներում թվային ծառայությունների դիմաց վճարելու համար։
Telegram Stars-ը կարելի է ձեռք բերել Apple-ի եւ Google-ի խանութներում ներծրագրային գնումների միջոցով կամ PremiumBot բոտի միջոցով: Stars-ի միջոցով կարող եք ձեռք բերել թվային ապրանքներ՝ էլեկտրոնային գրքերից եւ առցանց դասընթացներից մինչեւ խաղերի իրեր Telegram հարթակում:
Հետագայում մինի հավելվածների մշակողները կկարողանան վաստակած Stars-երը Fragment հարթակի միջոցով վերածել Toncoin կրիպտոարժույթի:
