Հայկական Renderforest-ը թողարկել է AI-ով վեբկայքեր ստեղծող գործիք

Հայկական Renderforest ընկերությունը թողարկել է արհեստական բանականությամբ վեբկայքեր ստեղծող գործիք։

Նոր գործիքը օգտատերերին հնարավորություն է տալիս վայրկյանների ընթացքում ստեղծել պրոֆեսիոնալ կայքեր՝ պատրաստի բովանդակությամբ եւ պատկերներով։

«Թիմը բավական երկար մշակեց պրոդուկտը, որպեսզի տա շուկայում տարբերվող որակ ու ստեղծարարություն։

Մեր կայքեր ստեղծող գործիքը թույլ է տալիս ձեզ մի քանի վայրկյանում ստեղծել պրոֆեսիոնալ վեբկայքեր` արդեն իսկ կոնտենտով եւ պրոֆեսիոնալ նկարներով։ Ցանկացած կայք ամբողջովին յուրահատուկ է ու չի կրկնվում։

Այսպիսով՝ սա մեզ համար սկիզբն է արդեն պատրաստի թեմպլետներից տրանսֆորմացիոն անցում դեպի արհեստական բանականության տեխնոլոգիաներ»,- գրել է Renderforest-ի հիմնադիր Նարեկ Սաֆարյանը։

AI վեբկայքեր ստեղծող գործիքը հնարավոր է փորձել այստեղ։