Ինքնագնաց ավտոմեքենաների անվճար դասընթաց

«Առաջադեմ հետազոտությունների կենտրոն» ծրագրի ներքո մեկնարկում է «Ինքնագնաց ավտոմեքենաների հիմունքները» դասընթացի հայտերի ընդունումը:

Մասնակիցները դասընթացի շրջանակում կծանոթանան.

•    ժամանակակից ինքնագնաց ավտոմեքենաների եւ վարորդին օժանդակող համակարգերի կառուցվածքին,
•    դրանց հիմքում ընկած հիմնական տեխնոլոգիաներին եւ աշխատանքի սկզբունքներին,
•    իրական լուծումների օրինակներին,
•    թեստավորման եղանակներին։

Դասընթացի ավարտին մասնակիցները պատկերացում կկազմեն օգտագործվող տվիչների եւ էլեկտրոնային ղեկավարման հանգույցների աշխատանքային սկզբունքների, ինչպես նաեւ ժամանակակից արդյունաբերությունում կիրառվող դրանց անհատական եւ համակարգային թեստավորման եղանակների մասին։

Ծրագրի տեւողությունը 5 օր է, մասնակցությունն՝ անվճար։ Դասերը կանցկացվեն Ինժեներական քաղաքում։ Մասնակիցների ընտրության փուլում առաջնայնությունը կտրվի STEM ոլորտի ուսանողներին։

Դասընթացին մասնակցելու համար անհրաժեշտ է մինչեւ հոկտեմբերի 19-ը ներառյալ լրացնել առցանց հայտաձեւն այստեղ։