Granatus Ventures-ը, CIVITTA-ի հետ համատեղ եւ PMI Science-ի աջակցությամբ հայտարարում է «Գիտնականից՝ ձեռներեց» ծրագրի եւ առաջին բութքեմփի մեկնարկը:
Ծրագրին դիմել կարող են գիտահետազոտական աշխատանքներով կամ գիտական գաղափարների վրա հիմնված ձեռներեցությամբ զբաղվողները, ովքեր ցանկանում են հետազոտական աշխատանքները զարգացնել լիովին նոր ուղղությամբ եւ դիտարկել դրանց հնարավոր առեւտրայնացումը։
Ծրագիրը բաղկացած է երկու փուլից. առաջին՝ ներածական Discovery Bootcamp, որի հաջողակ մասնակիցներն այնուհետ կկարողանան մասնակցել ավելի խորացված Impact Bootcamp-ի փուլին։
Ինչ կարող են ակնկալել մասնակիցները բութքեմփից`
• Ծանոթություն Adaptive Innovation հայեցակարգի հիմնական գաղափարներին հենց հեղինակների` Չարլզ Կունիի եւ Հովարդ Կալիֆանոյի կողմից:
• Ոլորտի առաջատարներից, հաջողակ ձեռնարկատերերից եւ գիտնականներից սովորելու եւ վերջիններիս փորձառությանը ծանոթանալու հնարավորություն:
• Ինտերակտիվ սեմինարների միջոցով պրակտիկ փորձ ստանալու հնարավորություն:
• Նախագծերի մրցույթի մասնակցելու հնարավորություն՝ պոտենցիալ ներդրողների հետ ծանոթանալու եւ հաջորդ փուլ՝ ավելի խորացված Impact Bootcamp անցնելու հնարավորություն:
Գրանցվել հնարավոր է այստեղ մինչեւ հոկտեմբերի 9-ը ներառյալ։
