Վիրավորում ստացած զինվորներին առօրյա կյանքի հուն վերադարձնելու նպատակով Վիվա-ՄՏՍ-ն ու «Զինվորի տուն» բարեգործական-հասարակական կազմակերպությունն ավելի քան մեկ տարի օրթեզավորման ծրագիր են իրականացնում:
Դա կարեւոր է ողնուղեղային, գլխուղեղային, վերին եւ ստորին վերջույթների վնասվածքով զինվորների վերականգնողական բուժման ժամանակ՝ հետվնասվածքային բարդությունները կանխելու համար:
Սյունեցի Արմենն այդ ծրագրի բուժառուներից մեկն է:
Արդեն չորս ամիս է՝ նա ժամանակակից օրթեզ է կրում: Դրանք, ի տարբերություն ստատիկ օրթեզների, չեն սահմանափակում շարժումները, ծանր չեն, մեխանիկական հոդավորման ու ճիշտ կառուցվածքի շնորհիվ դինամիկ են եւ ֆունկցիոնալ: Քայլքի ժամանակ կարող են ճիշտ ֆիքսել հենումները եւ ապահովել ազատ տեղաշարժը:
Օրթեզավորման հիմնական գործառույթն անատոմիական ճիշտ դիրքի ֆիքսումն է՝ վնասված հոդի եւ վերջույթների ծանրաբեռնվածության թեթեւացման, ֆիքսման, ակտիվացման եւ ուղղման համար: Այդ ամենը թույլ է տալիս նվազեցնել ողնաշարի եւ մարմնի բոլոր հոդերի ծանրաբեռնվածությունը, կանխել մկանային համակարգի գերլարվածությունը: Միաժամանակ, ստորին վերջույթում խնդիրների դեպքում օրթեզները նպաստում են ճիշտ բիոմեխանիկայի վերականգնմանն ու քայլքի ծրագրի առաջընթացին, ինչպես նաեւ ձեռքերի ֆունկցիոնալության վերականգնմանը:
2021 թվականին մեկնարկած եռամյա ծրագրի համար գործընկեր «Զինվորի տուն» բարեգործական-հասարակական կազմակերպությանը Վիվա-ՄՏՍ-ը տրամադրել է 120 մլն դրամ:
11:34 | 13.02.23 |
Նորություններ
Opera բրաուզերում կներդրվի ChatGPT չատբոտը
14:53 | 10.02.23 |
Նորություններ
«Այբ»-ն անցկացնում է մաթեմատիկական մրցույթ
