National Geographic պարբերականն անդրադարձել է Expper Technologies հայկական ընկերության կողմից ստեղծված Robin the Robot սոցիալական ռոբոտին՝ այն անվանելով «Robot Doc»։
«Հիվանդանոցներում գտնվող երեխաների համար օրերը կարող են երկար և սթրեսային լինել: Robin the Robot-ը նախատեսված է կատակներ անելու, խաղեր խաղալու և մանկական բաժանմունքների հարցերին պատասխանելու համար: Մոտավորապես 8 տարեկան Robin-ն արհեստական ինտելեկտի միջոցով վերլուծում է դեմքի արտահայտություններն ու խոսքը՝ արձագանքելու երեխաների տրամադրությանը և խոսակցություններին: Ռոբոտն արդեն իսկ մեծ օգնություն էր տրամադրում COVID-19 համաճարակի ընթացքում, երբ հիվանդանոցի երիտասարդ հիվանդներին ընտանիքի անդամները և ընկերները չէին կարող այցելել:
Շնորհակալություն, բժիշկ»,- ասվում է անդրադարձում։
Նշենք, որ Robin the Robot-ը ճանաչվել է TIME-ի 2021 թվականի լավագույն գյուտ «Ռոբոտաշինություն» անվանակարգում, նաև արժանացել է մրցանակի Fast Company-ի 2021 թվականի Innovation by Design Awards-ի Impact անվանակարգում:
11:10 | 08.11.22 |
Նորություններ
BANA-ի SAP Startup Factory-ի ստարտափները կներկայացնեն իրենց գաղափարները
16:52 | 07.11.22 |
Նորություններ
ForMath 2022․ առաջատար ընկերությունները՝ հանուն կրթության
